轉口風再戰幕前 周星馳首度開綠燈

2008年拍完《長江7號》後，周星馳選擇退居幕後，雖然其後以導演身份拍過《西遊．降魔篇》、《美人魚》等大熱作，但粉絲最期待始終是星爺再戰幕前，不過每次面對復出傳聞，佢都耍手兼擰頭，就連早前講到睇見王寶強於新戲《新喜劇之王》反串做白雪公主，令佢再有演戲嘅衝動，但隨後星爺卻嘆了一口氣話：「算了吧」再一次表明無意復出。

不過近日他與內地著名電競隊IG進行直播時，星爺卻突然口風大轉，面對觀眾連串尖銳問題，好多都被星爺順手推舟避過唔答，不過當問到「以後還會不會出演電影」時？星爺諗咗一陣竟然話：「要看有沒有好的劇本，我要求很高的！」答案一出，即時令全場興奮無比，星爺又話：「靖文（女主角）的角色，我是挺有感覺的，但她是個女的，所以不適合我去演。」相信大家都好期待星爺快d兌現承諾，喺幕前再同觀眾見面呀！