否認發瘋反擊流言 關淑怡：忍了很多米田共

貴為一代天后，關淑怡唱過不少經典金曲，只可惜人紅多是非，近年有關Shirley的負面新聞可謂無日無之，一時驚爆她於愉景灣離奇墮海，一時又傳她有自殺傾向，及至去年更爆出無厘頭罵戰風波，事緣內地影星胡兵炮轟某酒店服務差，Shirley突然於微博指：「他被寵壞了。」觸發雙方罵戰，Shirley仲嬲到話同佢做唔到朋友，點知胡兵好無辜咁話根本唔識Shirley，其後由於不斷受到胡兵粉絲攻勢，嬲到Shirley聲言退出微博。

不過無玩微博一陣嘅Shirley，話咁快又玩返，除咗預告下個月會復出參與音樂會為慈善獻聲之外，佢似乎仲有好多冤枉要吐，接連於上月及近日開腔炮轟當年的唱片公司BMG，事緣於2002年，傳出Shirley被BMG指責失蹤失場，鬧出連串是非，雖然事隔十多年，但Shirley講起件事依然火氣十足：「他們把所有責任推在我身上，其實BMG所有工作人員都知道當其時我正在懷孕,不停要我無條件地把三年合約extends twice. I agreed.但唔做嘢嘅係唱片公司，我只是一直在等通告，為什麼要我付這個責任三年嘅合約變為五年.原因係因為我懷孕了!合理嗎？」

關淑怡更愈講愈嬲，強調從無發癲：「我冇失蹤也從未失場也沒有發瘋.這是他們的藉口. 公司一直都有跟我聯絡.什麼找不到我！大話中的極品。還欠200多萬元,不打算還我.是合約條款！所以，不要再challenge 我的專業手操！忍了很多米田共了！」Shirley嬲成咁，似乎真係受咗好多委屈喎。

{{hket:inline-image name="ew.jpg"}}{{/hket:inline-image}}

關淑怡微博