牌都未剪！大嘥鬼棄200件新衫 民間組織籲減少消費

在物質豐富的年代，容易造成很多不必要的浪費。民間組織「大埔社區學堂」日前在粉嶺一處空地，發現有大約200件簇新衣物被人棄置後，遂拍片並上傳至Facebook，呼籲大家從源頭減廢，減少不必要的消費。「大埔社區學堂」成員阿欣接受《晴報》訪問時，再次呼籲道：「大家買任何嘢都三思吓，需要同想要，特別係衫，其實我哋好多嘢都唔需要買，背後製造時已有好多浪費！」

{{hket:inline-image name="02012018100.JPG"}}{{/hket:inline-image}}

短片顯示，該批被棄置的「垃圾」，包括全新大褸、冷衫、T恤、校服、初生嬰兒服、兒童戲服、名牌頸巾等，部份甚至連價錢牌都未剪；此外，更有一大堆全新手機殼，以及未開封的公仔玩具等。「呢幾包衫係用床單四個角紮住，入面有一袋袋衫，其實就係大家平日將衫放入舊衣回收箱嘅模式」，大埔社區學堂在貼文中指出，看到現場不同的物資，便「感受到大家不同嘅心意」，「或者你幻想世界某角度嘅『有需要人士』會得到呢啲衫，事實證明其實唔會嫁。佢地仲會去到垃圾站同堆填區。」

{{hket:inline-image name="02012018103.JPG"}}{{/hket:inline-image}}

{{hket:inline-image name="02012018104.JPG"}}{{/hket:inline-image}}

{{hket:inline-image name="02012018105.JPG"}}{{/hket:inline-image}}

大埔社區學堂續指，潮流沒有終點，「fast fashion」（速食時裝）又沒質素，「不如一齊配搭下現有高質嘅衫。希望大家每次買嘢都諗十次係咪真係需要，係咪冇得借，係咪會用好耐，真係要買都買啲耐用嘅。想捐都可以用啲free group直接搵想要嘅人，不過最好自己著到爛再做地布或upcycle（升級再造）啦。」在回應網民回應時，大埔社區學堂進一步指出：「其實我地係想大家減少浪費，買嗰一刻就要諗清諗楚，係『需要』定『想要』？係咪冇代替品？可不可以試吓借。」

{{hket:inline-image name="02012018102.JPG"}}{{/hket:inline-image}}

此事引來網民熱議，有人認為，不少市民將垃圾分類回收仍有不足之處，「做回收的人都唔理人地收乜嘢，好似三色回收箱咁，啲人咩都掉落去」、「回收都是一個好大的學問，唔係是但掉就得，都要考慮回收處理時的煩惱」。亦有人指出，香港人太過浪費，「香港人是物質太多及空間太少，人們又要跟潮流愛體面」、「我有啲朋友買完衫就同我晒命：我今日又買左幾多件靚衫啦」。

{{hket:inline-image name="02012018106.JPG"}}{{/hket:inline-image}}

另有網民指出，可將舊衣直接送給有需要的人，「直接送俾有需要嘅人，總好過回收，通常下落不明，無法將好事傳遞。」、「所以之前有件又靚又暖既大褸，直接儸左比個執紙皮婆婆，仲幫佢著埋，見佢成日衣衫單薄。」此外，亦有網民響應大埔社區學堂，建議減少不必要的消費，「其實每個人自己啲衫唔係著幾次就掉，就唔會有咁多舊衫既問題啦。」、「所以買嘢之前真是要想清楚，唔係環境愈來愈差」。

{{hket:inline-image name="02012018101.JPG"}}{{/hket:inline-image}}

大埔社區學堂成員阿欣接受《晴報》訪問時表示，被棄置的衣物有部分是全新，而其他所謂「舊衫」亦狀態良好，「仲有乾洗好嘅羽絨」，「不是想blame（責怪）回收商，都想講香港人咁樣狂買狂捐法，要反思下回收商都未必處理得到。香港人好多好好心，洗好包好，所以大家係欠一個方法或渠道又欠一個反思。」她指出，其實很多舊衣回收箱並不接受冬天衫、床上用品、泳衣、內衣、公仔等；如果丟以上衣物到舊衣回收箱，「同丟去垃圾筒冇分別，只係想自己個心好過啲，轉嫁俾其他人處理。有心就應該直接俾有需要嘅人，或透過可靠渠道捐出。」為了減少浪費，她呼籲：「大家買衫前三思吓，要買質量好嘅。其實人唔需要太多衫，可以靠配搭換造型！」