【智退大媽】打尖大媽誓不落車 正義肥仔一招救全車

全城高高興興迎接2019年，不過荃灣有位「普通話大媽」因搭車打尖，幾乎被全車乘客「開年」。事源除夕倒數過後，凌晨各處車站都大排長龍，但這位大媽疑搭車無排隊，即使被司機當面直斥，卻仍然「賴皮」拒落車，連累全車乘客，最終幸有一位「肥仔」乘客巧妙一招救全車。

據一位網民透露，除夕倒數後凌晨近3時，他於荃灣乘小巴回家，當時他登車後，車站仍有多達50人排隊候車，惟一位操普通話的大媽疑公然打尖，司機見狀直指不是，要求她落車排隊，豈料有人厚面皮反駁：「我有呀！」司機即激動回應：「望住你打尖啦，後面排緊咁多人你見唔到㗎？呢度係香港，唔係大陸，落返去排隊啦！」

不過大媽竟繼續拍卡坐下，意圖逼全車就範，司機隨即熄匙：「好呀，你唔落車，我唔開車！」該網民指，大媽此時竟開始扮慘，表示：「我不怕你們」、「你打我唄」、「我頭痛呀！」

擾攘期間人龍已愈來愈長，其鄰座一位正義「肥仔」初時一度出言相勸，其後又稱：「你坐喺度我仲頭痛呀！」大媽卻無動於衷，最終他使出妙計，一手拿起大媽的手機，落車放在地上，回到車上向大媽說道：「車出面呀，去拎啦！」

該網民笑言，此計令大媽被迫「要喺小巴同手機之間做選擇」，初時她站在車門樓梯，嘗試伸手拾取卻無功而還，期間不斷叫喊。最終大媽被迫落車拾取，「佢離開架車嗰刻，司機極速撻匙開車，阿姐轉身粗口都講唔切，我哋已經掰掰佢條尾Lu～」

帖文獲大批網民留言讚好，形容：「睇完篇嘢，心都涼快！最討厭打尖既師奶！」、「最緊要唔好動手動腳，要用斯文智力對付這種不文明人。」