揭《大帥哥》最花心血一幕 張衞健死好多腦細胞

不少人以為《大帥哥》只是得啖笑、搞吓爛gag的喜劇，但張衞健卻放了很多心思，日前甚至在微博講到明為此劇死了很多腦細胞：「一部作品下來死了很多腦細胞！以後早中午三餐都吃核桃，補腦！ ​」嘩，咁究竟邊一幕咁勁，令到佢捨得花腦汁研究？原來就是上禮拜那集爭寵戲戲，他與楊秀惠、譚凱琪就大玩3分鐘一鏡到底，在兩房之間不斷穿梭，一氣呵成無間斷地講對白，睇得出功力有幾深厚。有網民就大讚張衞健這份心思實屬難得：「好耐冇喺電視劇見過呢種高質素嘅畫面，全部人夾到嗰下勁」、「有個咁有心嘅演員，TVB終於唔再是是旦旦！有邊個可以carry到？」

故事講述譚凱琪知道張衞健想偷毒氣彈時使橫手阻止，不但故意在燕窩燉雪蛤下毒把楊秀惠弄暈，連自己都扮暈設法拖延時間。首先譚凱琪講了一堆病症，搏張衞健同情，同時楊秀惠又在自己房發爛渣掟枕頭，大呻有人想毒死自己，當時張衞健仍很冷靜。不過當譚凱琪扮可憐為自己辯護，楊秀惠又捉住張衞健求作主，兩女不斷在房間高呼「大帥哥」時，同樣情況互換重覆幾次，令有急事在身的張衞健不得不兩邊穿梭。

{{hket:inline-image name="11.jpg"}}{{/hket:inline-image}}

{{hket:inline-image name="13.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

{{hket:inline-image name="16.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

全場戲總長3分鐘，因為做錯一個小動作會立即連累全部人NG從頭做過，不能靠剪接補救，所以很考演員的應變及抗壓能力，平時大多運用在電影上，劇集為節省時間絕少見到。這次張衞健主動提出加入長鏡頭戲，各方必須配合得好好，為了正式拍攝順利減少出錯，事先他們要多次排練才可埋位，是花心機、時間之作。每次張衞健一離開鏡頭，譚凱琪、楊秀惠就要準備好，預好時間等張衞健一來到就做戲。例如有幕譚凱琪上個鏡頭坐在床上，下個鏡頭即拿著熱湯坐在椅子；又如楊秀惠突然將剪刀遞到鏡頭前，張衞健要一秒捉她，其實幾易穿崩，好考Timing。

至於張衞健本來已經要記要講一堆急口令式對白，還要做出一連串動作，適當時做出翻白眼、扯鬆領呔、抺汗等緊密配合，確實不容易。中途張衞健在走廊走來行去，很煩躁地大叫：「得嚟緊，嚟嚟嚟嚟嚟！嚟喇！」時，好明顯真心行錯路，仲谷到成個頭都變得通紅，反而令成場戲更加逼真，反映到人愈急愈容易做錯事的反應，感覺到他好像真的很頭痛。

{{hket:inline-image name="17.jpg"}}{{/hket:inline-image}}

{{hket:inline-image name="18.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}