K11 Christmas Art Playground 一家大細齊齊玩

香港地寸金尺土，要喺鬧市搵到個啱大人同小朋友玩嘅遊樂場一啲都唔易。不過，黛安最近經過K11，留意到放咗好多藝術同燈光裝飾，布置到成個遊樂場一樣，原來係由即日至1月6號舉行嘅《Christmas Art Playground》！

聽公關姊妹講，今次嘅多媒體藝術展覽，由本地建築設計團隊AaaM，同日本當代藝術家津田翔平聯手打造3大遊樂裝置，好似有150個空中光圈構成嘅光環樹，大家可以透過唔同形體動作去改變光圈嘅燈光效果；仲有用霓虹色彩同水管風喉打造嘅「潛‧望香港」，有兒時嘅「氹氹轉」同「潛望鏡」，真係好似去咗遊樂場，好厲害。

黛安覺得最特別嘅係設置咗300呎嘅Art Jam密室空間，一家大細可以喺INK PLAYROOM內盡情塗鴉，每日提供9個時段，每節45分鐘，入場費每位150元，網上報名只需120元，仲有包場服務，費用係1,000元，玩完仲可以將塗鴉畫作帶返屋企留念。

想一家大細由2018玩到2019年，就快啲去https://kka.k11.com/en/event/報名啦！