出名惹火的杜汶澤，一向不平則鳴，今日佢突然喺facebook撰文爆粗（由於足本版實在太多粗口，請到阿澤fb自行參閱。），事源網台主持劉細良、徐少驊與陶君行近日於節目中，質疑阿澤的政治立場，指他雖然在內地被封殺，但其妻田蕊妮卻在內地工作不斷，質疑點解唔封殺埋田蕊妮，又指阿澤將來可能以無間道身份出戰立法會。
對於以上質疑，阿澤嬲到變晒身（以下是刪減粗口的部份節錄）：「你三條咖哩啡比我見到你三個，我唔打你跪喺度求救我唔姓杜！咁多人唔惹你走嚟惹我？仲要講埋我老婆？你報警啦快啲！我撞到你三個一定打死你哋，跟住我去坐監！」睇嚟阿澤真係嬲到失晒理智，不過點講都好，打人係犯法架，阿澤冷靜啲啦！