一年一度TVB《萬千星輝頒獎典禮2018》將於12月16日舉行，今屆視帝戰況激烈，馬國明、王浩信、陳展鵬與袁偉豪都有力稱帝，不過講到最大熱門定非《跳躍生命線》的馬德鐘莫屬，事關該劇不單以平均收視29.3點，成為TVB本年度最高收視的自家製作，當中馬神飾演的救護員在哥更是全劇最大亮點，從演繹對亡妻的思念之情，到救人時捨身忘己的高尚情操，一舉手一投足都輕易觸動觀眾情緒，堪稱馬神從演以來的代表作之一，難怪佢都出晒口術話：「我從來冇拎過獎，我恨攞獎㗎，希望今年有零的突破。」
放棄鐵飯碗吃盡苦頭
其實又難怪馬神恨獎恨到發燒嘅，事關當年他為了追尋演藝夢，竟然搞到要賒借度日，箇中辛酸真係不足為外人道，話說入行前馬神係做警察，仲做到G4保護要人組，但佢竟然放棄高薪鐵飯碗，於1993年加入TVB，雖然佢高大靚仔，但都要做足10年配角，如今回想依舊百般滋味在心頭：「記得當年人工得番九千蚊，淨係屋租都七千二百蚊，仲要養家。試過出糧交完租唔夠錢使，要周圍問朋友借，仲要拖咗一排先還。」
《鳳凰四重奏》
捱足10年，馬神終於憑飾演《衝上雲霄》的機師Vincent爆紅，奠定一線小生之位，其後更多次入圍視帝，去到2006年的《鳳凰四重奏》，他更以大熱姿態入選，可惜最終敗在鄭嘉穎的《天幕下的戀人》之手，其後眼見陳豪等後輩都能遲來先上岸，自己就乜獎都無，令馬神意興闌珊，於2012年與TVB轉簽部頭約，改為北上發展，對於當年離巢，除了獎項問題，原來錢亦是其中一個因素：「就算我做咗男主角，有一段時間每個月都係得幾千蚊人工，可以話有名無實。」
《跳躍生命線》
《跳躍生命線》
非親生仔有暗湧
北上發展後，馬神可謂豬籠入水，不單一劇接一劇，更進軍飲食業，不過當年「零獎之痛」一直伴隨馬神，所以近年他都盡力抽空返TVB拍劇，當中的《飛虎》《以和為貴》等都取得不俗收視與口碑，直至今年的《跳躍生命線》，馬神可謂吐氣揚眉，獲不少網民封為神劇，他不單道出救護員之苦，當面對喪妻之痛，太太李佳芯遇車禍慘被撞死，他在醫院認屍痛哭的一幕，更睇到觀眾喊埋一份，加上本身套劇取得收視佳績， 論人氣、講演技，視帝都可以話係馬神囊中之物，難怪佢亦充滿信心：「我從來冇拎過獎，我恨攞獎㗎，希望今年有零的突破。」
雖然氣勢強勁，不過馬神都有一個好大隱憂，就係非TVB親生仔的身份，如果TVB要捧自己人，論人氣，馬國明唔會輸馬神太多，加上佢同馬神一樣，等足多年，一樣有同情分。幸而其實TVB近年已開始放寬規矩，之前的黃子華與黃秋生就同樣以非親生仔身份勇奪視帝，而且馬神本身亦好識做，現身《萬千星輝賀台慶》再做在哥傾力表演，莫非當中已暗藏玄機？
馬德鐘微博