UNICEF HK慈善跑 籌$1200萬抗愛滋

黛安向來熱愛運動，噚日仲有機會參加一個好有意義嘅慈善跑！由聯合國兒童基金香港委員會（UNICEF HK）舉辦嘅第13屆慈善跑，噚日喺充滿歡樂氣氛嘅香港迪士尼樂園度假區舉行，共吸引逾1.3萬名跑手參與，預計籌得1,200萬善款支持全球抗愛滋運動，好有意義！

黛安聽公關姊妹講，今次活動吸引咗唔少工商界代表、社會名人參與，好似商界公關「一哥」兼馬拉松達人張樹槐等，連UNICEF HK大使、前單車港隊代表黃金寶、都帶埋3歲囝囝參加3公里親子賽！

黛安知道，今次嘅善款係用作支持全球抗愛滋運動，包括保護嬰幼兒免經母體感染、擴大治療覆蓋率、為受愛滋病困擾嘅母親同兒童提供治療、輔導等，絕對值得支持！