有啲人會超衰，形容四十歲仍嫁唔出的女人做「老姑婆」、「蘿底橙」、「賣剩蔗」，搞到部份女士倍感焦急，千方百計結識異性；有人以結婚為前提物色對象，避免浪費時間；但亦有事業型女性享受單身。田蕊妮於TVB節目《女人四十》暫時放低人妻身分，初次體驗極速約會。面對性急的電競公司老闆、陽光肌肉型大男孩，田蕊妮有何方法吸引異性？
四十歲女人對愛情有不同看法
田蕊妮坦言戀愛對四十歲女人來說很重要，是一種補品，會令到人靚，所以單身貴族應該花盡心思，務求在感情市場保持競爭力。節目中其中一名嘉賓Mendy年屆三十八，眉毛沒有經過修剪，留有濃密唇毛，八年前先至嘗過初戀。她憶述兩年前中秋節曾向貌似陳啟泰的男人表白，當時買了啤酒、領帶和心意卡約他出來，行為猶如十幾歲小妹妹，眾人聽到無不O咀。可惜對方要求太高，Mendy求愛衰咗。直至現在Mendy自稱仍是處女，常常被嘲笑是「老處女」，只因她次次搭錯線──暗戀的人不喜歡自己，沒興趣的人卻主動埋身。
相反其餘三位嘉賓心態上較為成熟，她們認為現在的年紀已經很難再向異性放開自己，不如放事業在首位，愛情就順其自然算了。至於田蕊妮有一友人更加奇怪，覺得女人年過四十必須以結婚為大前提，誇到先找算命師看看合襯度，不合就分，避免浪費時間。
極速約會教單身友識另一半
田蕊妮見大家咁苦惱，即刻放低人妻身份，去極速約會試吓識男仔。雖然表面上似為女嘉賓著想，實際上她全程非常興奮，還揚言要搵一個比老公更靚仔的男人！田蕊妮事先張揚沒有擇偶條件，從十幾個之中挑選出三位之後，即與不同類型的男士共進晚餐。不過與其話教大家識仔仔，不如話田蕊妮好奇想透過這次機會，看看那些高薪厚職的男人為何找不到另一半。
▼首先第一位男士緊張到似足見工，未有問田蕊妮想吃甚麼就自行點菜，有欠尊重。另外他表明自己好咸濕，想生很多小朋友，咁即係搵女朋友定豬乸？所以田蕊妮坦言：「如果唔係要拍嘢，唔會坐喺度咁耐，我驚好悶！」
▼至於第二位男士又點？田蕊妮大讚對方夠輕鬆，可以開玩笑，甚至幾投契，直言想幫佢除衫，唔通想對唔住杜汶澤？
很多女人想試極速約會，但未試過所以唔敢參加，田蕊妮以以第一身角度體驗，希望女觀眾睇完可以更有自信、獨立，嘗試新事物吧，其實想吸引異性就係咁簡單。