最近《義不容情》於深宵熱播，隨著劇情發展，你一定會對溫兆倫飾演的丁有康咬牙切齒，事關呢位世紀賤男殺女友、殺養母、綁架自己親生仔，乜嘢壞事都做盡，要喺電視劇之中搵一個衰過佢嘅人，真係好高難度，難怪唔少人都話好佩服溫兆倫嘅演技，但原來現實中嘅佢，同丁有康一樣咁惹是非，尤其係感情方面，1989年溫兆倫同大馬富婆李美玲閃婚，但其後卻傳出戀上陳梅馨，最終兩人於1993年離婚，溫兆倫更反咬前度，聲稱有對方不守婦道的證據；離婚後，溫兆倫隨即公開與陳梅馨拍拖，但於1996年分手，溫兆倫隨即向舊愛追討14萬掟煲費；其後他戀上助手潘燕妮，並於2002年註冊結婚，有指兩人因合資炒樓欠下巨債，潘燕妮聲稱溫兆倫避走內地，要她一力承擔債務，最終離婚收場。
雖然黑材料一大堆，但溫兆倫轉戰內地發表「愛國論」後，可謂機會不斷，多年來拍過無數電視、電影，在其微博所見，幾乎每隔一、兩個月，他就會預告有新作品面世，加上有指他多年來先後涉足房地產、美容業等生意，為他帶來豐厚收入，據內地媒體估計，溫兆倫身家最少有一億人民幣。而男人有錢的確係身痕，佢多次大晒超級名車，林寶堅尼Aventador，內地售價600幾萬、平治AMG S63 4Matic，內地售價248萬，兩部車加埋折合港紙要成千萬，而佢仲留言話：「不要用羨慕嫉妒恨這些落後的形容詞來評論我，如果讓你天天開著他3個小時東奔西跑的話，你就知道什麼是壓力！」結果惹來網民圍攻，邊個話發財一定會立品架？
而更令人妒忌的是，溫兆倫於2013年與細自己20年嘅內地女星趙庭結婚，兩年後誕下寶貝女，更不時於網上放閃，大家係咪覺得個天有啲唔公平呢？
溫兆倫微博
溫兆倫微博
溫兆倫微博