到底廣東話好啲？定普通話好啲？原來呢個唔止係政治時事議題，更成為娛樂熱話，事關最近有網民發現原來之前葉璇出席一個內地節目時，分享自己於1999年奪得國際中華小姐冠軍，繼而簽約加入TVB的苦況，雖然葉璇挾著冠軍光環，但就竟然因為言語不通遭歧視：「當時自己剛到香港，在電視台工作，十多年前還不流行普通話，說普通話的話，是會受歧視的。」訴完辛酸，葉璇話鋒一轉，突然歌頌普通話偉大：「直至十年後的今天，情況完全反過來，有香港朋友跟我說，現在講普通話很有型、很酷，我覺得這跟我們國家興盛有很大關係。」
隨著相關片段於網上瘋傳，掀起不少網民激烈討論，正反兩派陣營各不相讓：「唔理你講乜嘢話，歧視人就係錯。」「喺香港就梗係講廣東話，你估人人識普通話？唔識同你溝通就係歧視？」其實葉璇一向出名惹是非，不單曾與方力申、林文龍、張文慈與陳啟泰等合作過的藝人鬧不和，更發生過工人追人工、助手投訴被打等風波，而最新鮮的當然是葉璇入稟控告當時男友小默先生的舊愛呂小姐造謠，結果被判敗訴，需向對方道歉兼賠償，但葉璇被指拒絕執行法院決定，而被上海法院發出「限制消費令」，即係被限制高消費及非生活和工作必需的消費行為，例如唔畀坐飛機，唔能夠住有星級的酒店，不能買房產與旅遊度假等等，都幾大鑊架！