新地商場5大卡通人物賀聖誕

聖誕一向係消費旺季，聽公關姊妹講，新地12大商場今年用咗4,700萬元做聖誕推廣，非常大手筆啊，仲以5大經典卡通人物，推出《經典卡通人物聖誕巡禮》，包括IQ博士、Snoopy、Peter Rabbit等，一定好受歡迎啦！

姊妹話，5大家傳戶曉嘅人氣卡通，包括東港城及life@KCC嘅「IQ博士x珍寶珠聖誕嘉年華」，天才科學家則卷千平博士，會將天神村變成奪目繽紛嘅聖誕嘉年華同反斗馬戲團；上水廣場同PopWalk天晉滙，就帶來「DreamWorks KOUKOU聖誕甜品夢工場」，請嚟環球影業旗下夢工場（DreamWorks）多位大受歡迎嘅動畫電影明星，以DreamWorks KOUKOU造型萌爆現身，當中1.5米高巨型毛毛版史力加及《功夫熊貓》阿寶仲係全港首次登場㗎！

新鴻基地產代理租務部總經理鍾秀蓮話，今年聖誕嘅推廣總額比去年升咗36%，希望大家買得開心之餘，都玩得開心，估計聖誕期間12大商場人流按年上升24%，達1,450萬人次，營業額將逾7.87億元，升幅達25%。