晴報近日特地找來寵物攝影師小明，分享寵物攝影的趣事、難忘經歷及當中困難，並即場示範拍攝寵物的技巧。說到「Bambiland」的名稱來源，就不得不提小明的兩隻愛犬，牠們分別是9歲狗女Bambi及4歲狗仔高登希，均為柴犬。同時身為寵物犬訓練師的小明認為，狗狗有不同的性格，只要能守一定的規矩，就不必刻意改變牠們。
小明表示，約7年多前，一對情侶因分手而不能再照顧Bambi，他在Facebook上看到有關領養Bambi的帖子後，隨即動身領養Bambi，其後更將studio以其名字命名；至於高登希，則是由朋友所養的兩隻狗狗意外搞出「狗命」而來，其後再被他收編回家。由於長大過程不如意，乖巧的Bambi一見到其他貓貓狗狗，會表現得較為緊張，現時年老的牠已開始有老人病。
「一隻狗係點樣，我會由得佢。」對於如何對待不同性格的狗狗，小明認為，狗狗只要懂得守一定的規矩，如不可爭食物打架、不可亂咬家具等，「佢哋個性格係點，通常都由得佢，唔會話特別去做一啲training去改變佢一啲嘢。佢應該係咁就應該係咁，冇乜必要去改變佢。」
除了貓狗外，小明也曾影過龜、刺蝟、兔仔、鸚鵡等動物，當中最難影的可算是貓貓，「有部份貓驚人，有部份貓驚出街，有部份貓可能會驚啲識郁嘅嘢、奇奇怪怪嘅嘢」；雖然他近日曾被狗狗咬傷頸部，「但嗰吓都好小事，應該係我真係嚇親佢」，並不會被此事嚇怕。
問及室內及室外攝影的分別，小明表示，室內燈光控制較好，背景較為簡單，「好多時個focus就會喺返寵物及人本身上」；但若想要較多背景、較為動態，「出outdoor個心情、感覺都會好唔一樣」。雖然室外攝影較為辛苦，「出去影一陣，人同狗都熱，但係會開心」。不過，室外攝影的場地亦有所限制，除了寵物公園外，康文署轄下的公園都不准犬隻內進，「如果真係帶得狗，又容易（揸）車直接到，去極都係彭福、山頂公園、南生圍、清水灣、獅子會。」
小明在Bambiland成立初期勞心勞力，3、4年前又去讀寵物犬行為及訓練課程，「咁啱好彩嗰時個女未出世，咁我就可以專心做嘢，跟住做完嘢之後就可以專心讀書，完成個course」；到女兒出生後，他努力分配工作及家庭時間，所幸自己獲得家人支持。至於有甚麼說話想對家人講？小明表示：「我會加油，我會頂住，起碼頂到啊女大啲，大家都舒服咗之後，我諗就會無論事業同埋屋企上嘅嘢就會smooth（流暢）多少少。」