港鐵首次4線齊齊故障跪低，連累全港交通超負荷出現大混亂，打工仔、學生哥遲大到。為了趕返工，不少打工仔改搭巴士、電車、的士、渡輪等交通工具，因而出現大排長龍、路面塞爆等情況。有打工仔表示：「搭咩都死，冇分別，地鐵壞，影響埋其他交通工具！」
今早約6時半，港鐵荃灣線、觀塘線及港島線列車信號故障，預計需要40分鐘額外行車時間。港鐵於8時許召開記者會，車務總監劉天成表示，今早發現列車無法下達車速指令，改以人手及慢駛服務，又指3線一同故障屬首次，呼籲乘客改搭其他交通工具。其後，港島綫列車服務逐步回復正常。
但至10時18分，港鐵宣布，由於信號故障，將軍澳綫來往北角站及寶琳站的行車時間預計需額外25分鐘，來往調景嶺站及康城站的行車時間預計需額外15分鐘。10時40分，港鐵又再宣布，由於信號故障，荃灣綫列車駛經中環站和尖沙咀站路段時需要慢駛，荃灣綫來往中環站及尖沙咀站的行車時間預計需要額外5分鐘。
除了港鐵出事外，多處路面亦發生交通事故，令交通更添混亂。其中，早上10時許，一輛中型貨車出將軍澳隧道後突然失控，撞路中分隔欄後撞斷燈柱；燈柱飛過對面快線，兩部貨車及的士被擊中，貨車司機一度被困。目前將軍澳隧道公路入將軍澳全封，出將軍澳只剩下慢線。