元朗一帶懷疑有非法犬隻繁殖場倒閉，大量狗隻被棄置元朗、天水圍街頭，有狗隻慘遭途經車輛撞傷，由本周一至今，拯救流浪狗團體已發現最少14隻小型玩具犬，全部身體狀況惡劣，身型瘦削且有皮膚病，義工指是其歷來所見最大規模棄狗，連日救狗已疲於奔命，怒斥棄狗者「人渣」。
4日接無數電話 救最少14隻
本地動物組織毛孩守護者（下稱毛守）創辦人陸家捷（Kent）表示，自本周一（24日）至今日（27日），毛守不停接獲市民來電，指在坑尾村、元朗公園、天水圍等地，發現多隻流浪狗，義工連日不停外出救狗，至今午已發現共14隻，「其中有一隻狗狗仲畀車撞傷咗，好彩只係皮外傷，筋骨無大礙。」
全為小型玩具犬
毛守救獲的幾乎全是小型玩具犬，Kent指出：「未必係純種，有啲係芝娃娃，有啲好似係約瑟溝西施。」獲救的狗隻只有2隻是「囡囡」，其餘全為「仔仔」，平均年紀約4至5歲，全部均無晶片、無絕育。由於這類小型玩具犬甚少在街上流浪，「喺街根本生存唔到，好明顯係有人丟出嚟」，他認為九成是遭非法繁殖場棄置。
健康情況惡劣 疑長期餵食春藥
「全部狗狗指甲都好長，代表長時間困籠；全部營養不良，長期捱餓非常瘦削，而且有皮膚病、炎、甩毛，相信長期被疏忽照顧。其中一隻情況最惡劣，眼睛因受感染缺乏治療，已經出現萎縮情況。」此外，有狗囝被困入籠時，已下意識對狗囡做出交配動作，相信因長期被餵食春藥打種所致。
疑非法狗場倒閉 養狗公「晒米飯」
Kent相信被棄置狗隻不只14隻，估計會陸續收到電話，他坦言首次遇到這種大規模棄狗情況，相信是因非法繁殖場倒閉，至於大部分為雄犬，他估計：「狗乸可能賣咗去其他狗場，狗公無咩用，費事晒米飯丟晒出嚟。」
毛守義工現時會先帶獲救的狗隻到診所接受治理，其後會由暫托家庭照顧，稍後經絕育及取狗牌後，再為牠們尋找領養家庭。