富衛慶祝成立5周年 高層送愛心餐答謝員工

富衛（FWD）為慶祝香港區公司成立5周年，同埋業務表現理想，大中華區常務董事兼香港行政總裁柳志堅（Ken），同多位管理層成員特別化身型廚，前日到富衛香港位於上環、鰂魚涌同葵芳嘅辦公室，送上愛心早餐同下午茶，答謝數百位同事嘅努力同支持。

富衛香港及澳門首席市務總監謝振國（Paul）仲透露，會特別向全港客戶送大禮，包括保費回贈、送贈總數高達HK$50億嘅保障額等。

阿Ken同黛安講，富衛一直畀人挑戰者品牌嘅形象，開發咗多個首創保險產品服務，真係全賴一班有heart有拼勁嘅同事支持。黛安知道，富衛除咗獲得多項業界保險同科技獎項外，早前首創涵蓋精神健康同危疾保障嘅「身心衛危疾保障計劃」，銷售喺短短6星期內就超額完成近2倍。2015年推出嘅iFWD電子商貿平台，仲成為香港直銷人壽保險市場第一。