極罕斑狐猴3胞胎 長隆登場

世界瀕危物種斑狐猴，今年5月喺長隆野生動物世界成功誕下3胞胎，佢哋出世時只約100克重，飼養員為保證斑狐猴媽媽有充足母乳，特別喺餐單加咗多汁嘅木瓜，令斑狐猴媽媽可以每日餵奶畀3胞胎10多次，小斑狐猴體重快速增長，已經有400克重。

聽長隆野生動物專家講，斑狐猴又叫黑白領狐猴，係馬達加斯加島東部赤道雨林特有，因亂砍濫伐令到狐猴嘅生存空間減少90%，斑狐猴係2012年仲被列入《世界自然保護聯盟》（IUCN）瀕危物種紅色名錄，非常稀有珍貴。

黛安仲打聽到，原來斑狐猴對環境非常敏感，生殖習性特殊，係非繁殖季節，發情期僅1至3天，交配期限於12小時內。雌猴每胎一般只有1至2隻狐猴，今次可以有3胞胎真係好罕見，斑狐猴3胞胎上個月開始已經同遊客見面。長隆2014年躋身「全球最佳主題公園」3甲之列，依家仲有罕有嘅斑狐猴3胞胎，黛安真係要約埋姊妹去玩下先。