「媽媽了解奶粉成份 有助BB健康成長」

當無法餵哺母乳時，媽媽會比BB飲用奶粉，確保BB有足夠營養。市面上嘅奶粉通常都標榜含有多種營養，花多眼亂，但係咪完全符合自己BB嘅需要，的確令人苦惱。如果媽媽毫無頭緒，可以由最簡單嘅方法入手-少人工添加，含「天然」營養成份多嘅奶粉。

無論係牛奶粉定係羊奶粉，都要經過加工處理，因為天然牛奶同羊奶都要外加營養素才符合法例規定嘅嬰幼兒奶粉標準，以滿足BB需要。以牛奶粉為例，會經過多重生產步驟，生產過程中會令天然營養流失，所以需要人工加入營養。當然加工並不等於差，但純正天然營養對BB而言會較易吸收，同時減少身體負擔，更適合BB幼嫩腸胃。

邊種天然營養對BB最有益?

點解羊奶一直被稱為係奶中之王?原來同佢有豐富天然營養有關。羊同人一樣分泌乳汁係用頂泌式(Apocrine secretion)，透過呢種方式分泌嘅乳汁會有母體細胞成份，將母乳中含有嘅重要活性天然成份帶俾BB，如涎酸(SA)、共軛亞麻油酸(CLA)、酪蛋白磷酸胜肽(CPP)、核苷酸(NUC)等，對BB健康成長係好重要。相反，牛係用局部式(Merocrine secretion)泌乳，就無呢啲天然成分，需要作後期人工添加。

呢啲營養到底有乜好處?涎酸(SA)有助BB腦部發展。共軛亞麻油酸(CLA)有助BB肌肉發展及健壯成長。而BB生長需要大量鈣質，羊奶嘅酪蛋白磷酸胜肽(CPP)則可幫助鈣質吸收，令骨骼及牙齒生長，三者都係BB成長不可缺少嘅重要營養。

核苷酸 (NUC)提升BB免疫力

核苷酸(NUC)對BB來講極之重要，係組成細胞嘅重要元素，可以喺母乳之中搵到。研究指出核苷酸可以幫助增強BB嘅免疫力，仲有助保護BB免受感染同減少腹瀉嘅機會，對於BB嘅成長尤其重要。所以一隻能夠令BB健康成長嘅奶粉，亦應該包含母乳中搵到嘅重要營養，提昇自生免疫力。

(資訊)