油甘魚鯛魚壽司 耳目一新滋味之選

壽司細細件又鮮美，係好多香港人嘅摯愛。但唔知你有無留意到，出街點壽司時，大家食來食去都係嗰幾款？日本政府旗下嘅JFOODO最近就訪問咗250個香港人，發現好多人只識食三文魚、吞拿魚及蝦壽司，半數人連油甘魚同鯛魚壽司係咩樣都唔知。

JFOODO就教路，原來日本人將油甘魚、鯛魚及帆立貝都視為吉祥象徵，有助催谷運程，例如油甘魚就代表「步步高升」，有成功與好運的寓意、鯛魚象徵「豐收」，而帆立貝就因為形狀同帆船嘅帆非常相似，就等於「一帆風順」開意思。

黛安覺得日式料理質素向來有保證，下次點菜時不妨試下新嘢，保證美味之餘，仲可以提升埋運程，何樂而不為呢？