LC × LINE別注版餐具 專門店有售

LE CREUSET同LINE FRIENDS合作推出嘅碰碰杯同糖果盒，引起全城瘋搶，佢哋嘅出品咁靚，粉絲們當然唔想畀佢停啦。黛安有好消息，兩個「L」新年又合作啦！今次佢哋推出Bon Appetit陶瓷餐具系列，餐具上印住BROWN同CONY喺巴黎學廚藝學成歸來，煙韌甜蜜嘅互動畫面，可愛得嚟又夠elegant！

今次設計以粉紅色同粉藍色做主調，有BROWN同CONY頭形平碟、杯同層疊小鍋。今次仲特別印上乎合食用安全嘅彩色印花，陶瓷餐具上面嘅花紋每件都由人手貼上，再以高溫燒製而成，手工超精緻，黛安睇相都已經覺得好靚！

新系列即日起喺LC全綫專門店、屯門市廣場Pop-up Store、同埋全綫LINE FRIENDS STORE都有售喇，價錢由$368至$488不等，快啲搵埋好姊妹一齊去買新餐具過年啦。