AEON新App「快付通」 購物方便省時

平日經常去AEON購物，原來眨下眼，AEON已經喺香港開咗30年，黛安一直都好欣賞佢哋不斷創新，追趕世界潮流。適逢30周年大日子，佢哋都有唔少新搞作。依家電子交易發展日新月異，為咗方便客人消費，佢哋最近推出手機App「AEON Mobile」，以後去AEON買嘢就更方便啦！

「快付通」係乜東東？聽公關姊妹介紹，會員喺手機裝咗App之後，可一邊揀選貨品，一邊用電話掃描barcode，或者直接喺電話到揀貨；買齊嘢後，電話就會顯示購物清單同總金額，最後去「快付通」專綫出示App上面嘅QR code就畀得錢，唔使再逐件貨嘟！

「AEON Mobile」仲可以畀會員查閱優惠劵、會籍狀況、積分資訊、最新優惠等，真係必裝App之一呀。個App已經喺Google Play上咗架喇，iOS版本亦都好快會推出，蘋果用家要留意喇。