LEGO達人砌出創意香港 作品動漫節展出

香港動漫電玩節聽日就開鑼，各位姊妹千祈唔好以為動漫電玩節只係適合動漫及打機迷參與,其實嗰度仲有好多正嘢㗎！好似今年嘅LEGO攤位，就會有17位香港LEGO拼砌達人合力砌出6件「我最期待的香港大型盛事」展品，利用LEGO將天馬行空的構思同香港實景合而為一。

6件展品包括有喺天壇大佛前舉行熱氣球節、銅鑼灣嘅鬼馬賽車嘉年華、大球場進行飛天足球大賽、油麻地果欄唧車大賽等，創意十足！大家仲可以即場估下佢哋總共用咗幾多LEGO Minifigures砌，答中或最接近正確答案嘅20人可獲得$500 LEGO禮品㗎！

同場仲有以「香港之最」為主題嘅樂高建築師大賽青少年及成人組10件入圍作品，畀大家投票選出心水之作，全球唯一成功加入LEGO Designer嘅女樂高迷Melody Louise Caddick更會喺現場擔任決賽評審𠻹。