蠟像館17周年 推$17門票慶祝

香港杜莎夫人蠟像館17周年啦！黛安知道館方為咗隆重其事，特別推出雙重優惠，只要係香港永久居民都適用，啱晒正在頭痕暑假帶小朋友去邊度玩嘅爸爸媽媽！

第一重優惠，就係即日起至8月2號，喺蠟像館買飛時，出示香港永久居民身份證或臨時居民身份證，當中含有「FASHION2017」中任何一個數字或英文字母，就可以用$99入場，同行嘅一位親友仲可以用$1優惠價購買門票。據黛安所知，門票原價要$265一張㗎，依家只需$100就可以畀兩個人入場，真係抵！至於第二重優惠，就係8月3至19日期間，所有2000年出世嘅香港永久居民或臨時居民，都可以用$17入場，同蠟像館一齊慶祝17歲。

不過大家要注意，買飛時要出示身份證正本，同埋優惠只可以用一次㗎咋！