《晴報》6周年有禮 玩1分鐘測試 贏獎品

近年香港人都好着重綠色生活，黛安身邊都有唔少姊妹鍾意約埋一齊放工去做運動。最近我都加入咗做運動嘅行列，亦發覺身體健康咗，人都開朗咗。咁啱上星期黛安同《晴報》嘅姊妹食飯，發現佢哋密鑼緊鼓準備推出「綠的好習慣」一分鐘測試，要考考大家平時有幾Green！

話說明日（7月27日）就係《晴報》6周年生日，為此《晴報》推出一連串獎賞，繼之前送完潮爆嘅任天堂Switch遊戲機、美心MX $25美食劵後，姊妹們話今次要再鼓勵大家培養更多綠色習慣。

「綠的好習慣」一分鐘測試入面有8大綠色小貼士，自問平時知慳識儉嘅黛安都率先試玩咗一次，發覺原來要實行綠色生活，可以從好多方面入手！好多人以為平時好難實行綠色生活，但其實每一小步都係一個好開始，簡單如平時食飯多菜少肉、減少沐浴時間等，已經幫地球慳唔少。

禮物總值近$40000

如果你都有啲綠色小tips，即日起至8月2日記得參加「綠的好習慣」一分鐘測試，皆因《晴報》將於今次活動送出總值接近$40,000嘅精美禮品，包括價值$498嘅Smartech 2合1手動攪拌果汁/雪糕機、日本直送水果（價值約$400）以及超市現金券$100，合共160份獎品等緊你！如果想了解更多活動詳情，可以登入︰http://skypost.ulifestyle.com.hk/mkt/Green/