老公係通渠佬，老婆係煮飯婆

未結婚、將結婚、結了婚、甚至離了婚的朋友，人生中或許被人問過無數次：「你為咩同你另一半結婚？」

我聽得較多男士的回覆是：

「因為我老婆煮飯好好食㗎！」

「我老婆幫我生咗個肥肥白白嘅BB！」

「冇咗我老婆我唔掂㗎，因為屋企水電煤管理費都係佢交，我唔識交㗎。」

每次我聽到這類答案，都萬分感慨，也有點憤怒。如果你愛老婆是因為她善於掌勺，那一位廚藝了得的家傭姐姐或可代勞；如果你愛老婆是因為她數口精，那「會計妹」應該可以幫到你；如果你愛老婆只因她為你生仔，那現今醫學科技，生兒育女也可由代母代勞，當然要付出更高昂代價及涉及更複雜的考慮，男士未必輕舉妄動。

但，我的怒火維持不久，甚至有點慚愧，因為同樣的問題問女士，或是撫心自問，我也會得到相類似的答案：

「我唔識揸車㗎，我老公會車我返工放工。」

「我老公好大隻，屋企擔擔抬抬梗係由佢做。」

「屋企梗係有個男人好啲啦，佢可以通渠、換燈膽、修理家電。」

同樣的邏輯，如果要人接載，請一位司機接送便可；如果搬屋搬廠搬寫字樓，人人搬屋應可代勞；如要通渠，通渠佬亦是一個選擇。

有否發現，當伴侶們相處越久，喜歡對方的原因，已經由當初的「情感上」變得「功能性」？這個過程是一個危險的演化，因為當這些「功能」輕易被取代，而兩人亦沒有「情感」基礎時，關係便變得可有可無。我問過無數分手/離婚朋友，他們甚少說大家「功能」沒有了，而是「情感」不知不覺間消失，就似一幢建築物，說倒下，便倒下。

最近有網友問我，與丈夫結婚15年，如何保鮮二人關係？我不是兩性專家，我不敢說教，只想坦誠分享，我們都是大家「功能上」的支柱，我負責交水電煤，他負責通渠換燈膽。但關鍵是，我倆不會視之為「老馮」。每次完成任務，我們都會報以一句「唔該」，答謝對方完成此功能。情感上，我們學會貴乎坦誠。回到家，丈夫與我即使多疲累，都會交流每天遇過的人與事，開心不開心，最重要是互相聆聽及反饋，作為彼此精神上的扶持。正如我跟他開始時，都是因為我不快樂，他的一句：「無論如何，我都會支持你！」直到今天，我遇挫折時，他仍然以這一句勉勵，我很感激。

我想，隨著時間流逝，伴侶的關係主觀客觀產生變化或會發生，而且是雙向而非單向。但最重要是不論時地怎變，雙方盡力初心不變，關係便可常鮮。

（本欄逢星期一刊登）