廚餘不浪費

看到同事Joyce在飲完咖啡後，小心地把咖啡渣放入一個密實袋內。

「咁環保？係咪用咖啡渣放入雪櫃吸味？」我問。

「唔係我用嘅，有個朋友在新界租了塊田耕種，佢話咖啡渣可以用來做肥料，所以希望我幫手收集」Joyce說。

「我又唔知咖啡渣原來可以做肥田料！」

「對於有機耕種，咖啡渣同廚餘都係肥田料重要嘅來源！因為有機耕種唔能夠用人工嘅化學物，所以廚餘就成為重要嘅肥田料。魚骨、蛋殼、咖啡渣、果皮都可以強化土壤營養。咖啡渣有豐富氮，同埋一定份量嘅鉀同磷，都是植物生長所需嘅物質。」

Joyce 講完，很好奇。於是上網看看，見香港一間名叫「鴻日」的農場與本地的連鎖飲食集團合作，飲食集團把旗下餐廳的廚餘捐給農場，而農場的蔬菜則供應給飲食集團。預計一年可以提供30公噸農作物，同時亦回收到30公噸廚餘，可說是一個共贏方案。

有機耕種可以是小眾的玩意，租塊田假日去玩玩，但亦有成為一門大生意，皆因消費者比以前更加重視食物的質素，不想放農藥入口，「有機」二字帶來了信心，同時亦帶來了商機。

（本欄逢星期一刊登）