詠藜園首創「黃甘皮月餅」

每年呢個時候，黛安都會收到各方好友送來嘅月餅，由最傳統嘅口味，到新派月餅乜都有。8月尾嗰陣去咗詠藜園飯局，試咗佢哋首創嘅「黃甘皮月餅」，早兩日佢哋又搞咗個記者會，畀班記者朋友一齊試食，黛安都有去支持吓。有新產品，大家最關心梗係好唔好食，呢款由老闆楊太同團隊一齊用咗10年時間研發嘅「黃甘皮月餅」入口清香、果蓉餡料保留咗粒粒黃皮肉，軟糯中帶甘甜而不膩。

黃皮本身有「正氣果」之稱，有消滯、生津健胃等作用，而「黃甘皮月餅」所用嘅黃甘皮，係出產自有「世界黃皮之鄉」美譽嘅鬱南縣。早前楊太特別邀請咗項明生（James）一齊遠赴當地，參觀兩棵樹齡近百年嘅天然無核黃皮母樹。黃甘皮粒粒金黃飽滿，果肉無核，味道甘甘甜甜，難怪做出嚟嘅月餅，完全無普通黃皮嘅酸澀口感。

自2012年起，詠藜園都會舉辦「慈善月餅義賣」活動，今年嘅「黃甘皮月餅」一盒六件裝早鳥價$238（原價$499），所得嘅收益扣除成本之後，會捐贈畀非牟利長者服務組織「榕光社」，以及為長期病患者提供多元化服務嘅「再生慈善基金」。大家食月餅的同時，其實都將關懷傳遞咗畀社會上有需要嘅人士，讓今個中秋過得更有意義。有興趣可以Whatsapp到9438 1984查詢及訂購。

{{hket:inline-image name="0920DianColumn_2.jpg"}}{{/hket:inline-image}}

{{hket:inline-image name="0920DianColumn_3.jpg"}}{{/hket:inline-image}}