馬季開鑼 9.10 沙田馬場精采活動迎新季

新馬季將於9月10日開鑼，黛安聽聞，屆時沙田馬場會有多項精采活動，為大家帶嚟前所未有嘅體驗。公關姊妹話，香港賽馬會一直支持青少年發展，新一季將聯乘本地90後年輕藝術家杜海銓（Jacky）及其團隊，喺沙田馬場展出5幅手繪巨型壁畫，為年輕藝術家提供展示平台，市民亦可接觸到佢嘅藝術作品。

今次嘅壁畫會以「賽馬‧香港」為主題，展現香港賽馬及馬術運動獨特嘅競技風光，仲會融入豐富嘅香港文化及歷史元素，更可以欣賞一眾馬王及騎師喺跑道上奔馳嘅英姿，鍾意藝術嘅朋友及馬迷記得去打卡喇。

此外，當日入場嘅朋友仲可獲贈新馬季賽事月曆，送完即止。傳統開幕儀式亦有醒獅及雜技團嘅精采演出；沙田馬場亦特設銅鑼陣，一眾馬迷記得去敲下，祈求好運呀。自問音樂感及節奏感強嘅朋友，更可挑戰喺公眾席投注大堂嘅「開鑼快訊」節拍遊戲，參加者有機會獲贈特別獎品㗎（送完即止）。場內更有樂手表演及主題美食亭，夠晒熱鬧呀！