嘉道理農場「再森林‧還原野」 慈善行+綠野尋寶+自然市集

嘉道理農場暨植物園將於今年12月2至3日，再度舉辦「再森林‧還原野」慈善行籌款活動，設多項精采活動，包括慈善行、綠野尋寶及自然市集。屆時園內上山區及下山區將化身公眾連繫自然嘅園地，參加者可以欣賞秋冬嘅山林景色，探索生態奇趣。活動由即日起至11月9日接受報名，慈善行個人報名費$400，小隊（2至4人）每隊$1,200等。今次籌得嘅善款將用於嘉道理農場暨植物園嘅自然保育、多元整體教育和永續生活項目。

黛安知道，慈善行共設兩條路綫，路程較短嘅4公里休閒路綫，將途經行山古道，老少咸宜；8公里經典路綫，則覆蓋園內上下山區，參加者需攀走凌霄徑及登上海拔逾600米嘅山峰，適合富行山經驗嘅人士參加。參加者喺途中仲可以進行與大自然有關嘅任務，集齊印章後可以到農場小賣部換指定飲品。

另外，到時園內將喺下山區嘅「明薈」舉辦期間限定自然市集，設10多個攤位，可購買農產品和綠色製品，包括園內人工培植嘅植物及盆栽等。報名及收費詳情可【按此】參考。