屈臣氏蒸餾水120周年 快閃宣傳車出動送飲品

為慶賀屈臣氏蒸餾水踏入120周年，公關姊妹特別搵嚟MIRROR成員呂爵安（Edan）、陳卓賢（Ian）同柳應廷（Jer）做宣傳大使，除咗拍攝廣告外，仲派出快閃車走勻港九新界，市民即場登記做「分分有禮‧滴滴賞」會員，有機會贏得期間限定嘅3子屈臣氏蒸餾水或系列飲品1支，兼可以同3子人型立牌打卡㖭。快閃宣傳車今個周五、六（9月1日及2日）下午，分別會去鰂魚涌太古坊及銅鑼灣，大家唔好錯過呀。

黛安知道，推薦新會員人數最多，仲有機會贏到3子嘅親筆簽名月曆、迷你版快閃車模型等精品。公關姊妹仲話，即日起至10月31日期間會加碼送出120套日韓台機票，只要下載「分分有禮‧滴滴賞」App，買指定產品掃樽蓋或拉環嘅二維碼，再寫100字感謝信息多謝身邊人和事，最佳嘅得獎作品有機會贏得機票㗎。