「敏華冰廳」進駐機場禁區 早餐必食沙茶牛肉麵

公關姊妹剛剛外遊返港，佢同黛安講，最近敏華冰廳喺香港國際機場禁區內開咗新分店，希望將地道嘅香港美味帶畀來自世界各地嘅客人，令大家帶住美好嘅味覺記憶繼續出發。姊妹話，新店臨近11號登記閘口，門前有航班時間表，方便客人隨時查看航班狀況。而且設有可以望到停機坪嘅窗邊位，透過大玻璃窗睇住美景盡享港式美食。

敏華冰廳機場分店更有大家早餐最愛嘅「潮式沙茶牛肉公仔麵」，由敏華自家炮製嘅沙茶醬製作，香甜中帶着點點辛味和鹹香，搭配牛肉更加鮮味十足，加上爽滑彈牙嘅公仔麵，黛安諗起都想食呀。提到敏華當然唔少得佢嘅招牌菜式「敏華黯然銷魂飯」，以4片厚切叉燒做主角，燒至燶邊焦脆，啖啖肉汁，充滿油脂香，加上流心荷包蛋、秘製嘅頭抽和香蔥油，真係好美味。大家出發去旅行時，記得去試下喇。