建華24 STORAGE 冀年底增至30個據點

香港大部分家居狹窄，所以對迷你倉服務有一定需求。黛安收到風，近年建華（業務）管理有限公司不斷拓展多元化服務，除咗有新鮮食品、街市活化、超市等，去年更積極開拓迷你倉業務，至今已設22個據點，另有8個據點正在裝修，投資總額逾$5億，預計今年底前據點將增至30個。

呢個24 STORAGE重點投資喺創科智能設備上，設網上訂倉及點到點專業運輸服務，支援各種電子支付系統，更增設24小時智能人面識別出入系統，及專用智能電子鎖，畀客戶使用指紋認證，以更方便且安全度高嘅方法去解鎖。佢哋仲特設獨立智能工作會議艙，同時提供多功能打印及影印、自助飲品區、免費Wi-Fi及充電等服務，一個地方就可以滿足多種商業需求。客戶可以喺工作艙內拍攝錄音、直播帶貨、甚至係綫上授課及舉辦小型工作坊，創造無限商機，真係好正啊。