大家樂可持續海鮮採購率達73% 推MSC認證珍寶魚柳焗飯

一向致力實踐可持續發展嘅大家樂集團，喺採購過程都會考慮社會及環境因素，選用可持續食材，藉此向大眾宣揚環保理念。黛安聽聞，集團喺幾年前開始，已逐步引入獲水產養殖管理委員會（ASC）及海洋管理委員會（MSC）認證嘅可持續海鮮。喺2022/23年度，集團香港業務所用嘅海鮮有73%都係可持續海鮮，包括越南鯰魚、新西蘭青衣及加拿大帶子等。

大家樂快餐喺本月初推出嘅新產品「龍蝦汁珍寶魚柳焗飯」，都係選用獲MSC認證嘅阿拉斯加狹魚柳，配埋龍蝦汁炮製而成。集團旗下各品牌早前亦推出使用可持續海鮮產品，如一粥麵嘅「滬式燻魚扒菜飯」同Oliver's Super Sandwiches嘅「炸魚薯條」等。