煤氣公司《秒懂的能源百科》學習卡 推廣能源環境教育

香港中華煤氣有限公司致力建設可持續發展未來，亦好重視培育下一代。黛安收到風，集團今年暑假特別推出《秒懂的能源百科》學習卡，畀學生由淺入深、以輕鬆有趣嘅方式學習能源知識。學習卡喺本月19日起，將喺香港書展及市面書局有售，集團亦會向本地學校贈送《秒懂的能源百科》，盼可以成為輔助教材，增加學生對能源科學嘅興趣。

《秒懂的能源百科》內有52張學習卡，涵蓋歷史軼事、能源新知、科學冷知識、ESG詞典及專家洞見5大主題，內容切合高小至初中學生嘅學習需要，包括全球暖化影響、可再生能源發展、傑出科學家嘅科研故事等。每套學習卡仲附送1本小冊子，載有印喺卡上文章嘅詳細版本，適合學生自行閱讀，家長亦可與子女共讀。