McCafé╳Oatly 燕麥朱古力 飲品免費轉配燕麥奶限時優惠

McCafé再次聯同瑞典知名燕麥奶品牌Oatly，即日起推出燕麥朱古力，此特飲更會成為McCafé常駐產品之一，連同岩鹽焦糖燕麥咖啡，為大家帶嚟Go Green體驗。燕麥朱古力充滿濃郁嘅朱古力香氣，與純植物製Oatly燕麥奶嘅天然麥香及順滑口感完美融合，真係最佳配搭；以具穀物香氣、純植物製嘅燕麥奶加上香濃咖啡調配而成嘅岩鹽焦糖燕麥咖啡，搭配甜蜜焦糖和燕麥脆脆，口感層次就更加豐富。

黛安收到風，麥當勞App用戶由即日起，可憑App內電子優惠券專享「McCafé燕麥朱古力或岩鹽焦糖燕麥咖啡減$3」優惠；另外，即日起至5月15日，大家買McCafé細杯裝熱或凍飲時（凍沖繩黑糖X珍珠奶茶及岩鹽焦糖燕麥咖啡除外），仲可以享受限時免費升級轉配Oatly燕麥奶（原價加$4）㖭。