好立克系列回歸麥當勞甜品站 $7歎好立克扭紋新地

近日天氣陰晴不定，令人好鬱悶，公關姊妹提議去食下甜品，為自己製造開心。黛安聽聞，好立克系列即日起已回歸全綫麥當勞甜品站，將經典麥芽風味再次帶到大家面前，甜品迷點可以錯過？

今次好立克系列回歸，會帶嚟兩款新地甜品，包括好立克新地筒及好立克新地。其中好立克新地筒滿載濃濃麥芽香氣，入口即感受到滿滿嘅香甜麥芽風味；好立克新地就喺順滑好立克新地上撒上好立克胚芽粉，令麥芽香氣加倍，啖啖滿瀉嘅好立克滋味。

兩款甜品均可選擇扭紋新地搭配，香濃好立克配上香甜呍呢嗱味道，真係雙倍滋味呀。最重要係麥當勞甜品站會推出春日限定優惠，顧客只需以$7優惠價，就歎到好立克或扭紋新地喇。產品數量有限，售完即止。