吉野家×日本人氣貓咪mofusand 分店變限定打卡店 推系列聯乘精品

最近吉野家與日本人氣貓咪角色mofusand推出聯乘活動，即日起將尖沙咀厚福街、旺角豉油街、荔枝角長沙灣廣場、中環干諾道中、荃灣富華中心及V Walk分店，陸續變身成mofusand限定打卡店，店內設有多個打卡位，食客可一邊享受美食，一邊同貓咪打卡！黛安知道，mofusand係日本插畫家ぢゅの（Juno）創作嘅貓咪角色，以可愛溫柔嘅畫風擄獲唔少粉絲嘅歡心，佢嘅IG與twitter帳號總共有超過90萬粉絲㗎。

此外，吉野家更與mofusand推出一系列聯乘精品，顧客可以優惠價換購。當中尖沙咀厚福街分店會率先展出各款聯乘精品，畀粉絲先睹為快。精品包括便當袋、餐墊、玻璃杯及硅藻土吸水杯墊、筷子及野菜煎雞丼／金菇牛肉卷造型嘅公仔，真係好可愛。顧客只要喺吉野家消費滿$85或以上／惠顧南蠻炸雞丼套餐，就可以優惠價換購指定精品，例如mofusand便當袋換購價為$68，會員價只需$59；餐墊換購價為$38，會員價只需$33等。全部精品數量有限，換完即止。