卡樂B人氣產品變身賀年揮春 迎兔年

唔少家庭喺農曆新年都會貼揮春，公關姊妹同黛安講，卡樂B今個新年會搞搞新意思，品牌人氣王「燒烤味薯片」及「原味蝦條」將搖身一變，換上全新賀年揮春主題包裝，不論作為家中新春裝飾，或是拜年時送畀親友都適合不過！例如「卡樂B燒烤味薯片」全新包裝就印有「福」字圖案，掛喺大門位置寓意全年幸福滿載；「卡樂B原味蝦條」更鬼馬地印有「龍蝦精神」、「鴻運蝦頭」、「蝦肥屋潤」及「蝦蝦大笑」4大祝賀語，真係好盞鬼。

另外，品牌更首次與李錦記聯乘，推出全新「海皇XO醬味薯片」，將海皇XO醬原汁原味地呈現喺每一塊V-Cut薯片上，入口鮮香惹味，微辣香氣撲鼻，保證一試難忘。以上產品已經喺各大超市、便利店及零售店發售，黛安都要去入定貨先得。