「貓招兔來」冠軍貓展周末舉行 近百靚貓競逐Best Cat殊榮

唔少人都有養貓，仲對貓咪好寵愛，黛安聽聞，疫後全港首個CFA國際級「貓招兔來」冠軍貓展暨選美盛事，今個星期六、日（7至8日）喺新蒲崗ARTISAN HUB舉行，公眾可以帶埋愛貓去玩兼獲派貓貓專屬贈品。比賽由國際愛貓聯合會香港註冊分會舉辦，有近百隻來自20個品種嘅純種貓競逐Best Cat殊榮，包括美國捲毛貓、伯曼貓、緬因貓及稀有品種如加拿大無毛貓等，愛貓人士唔好錯過喇。

公關姊妹話，歌手張天賦MC Cheung演唱會拍宣傳海報嘅明星貓「MC丁」亦會參賽；騎喺佢膊頭上拍照嘅「MC虎」，則會喺場內寵物友善小型CAFÉ內，與主人Thomas一齊迎賓呀。