7-11新春送大禮 買滿$188送Sanrio疊喜茶具套裝

仲有兩個幾星期就到農曆新年，大家都開始辦年貨喇。黛安收到風，今年7-11繼續為大家搜羅多款人氣新年禮盒和零食產品，更準備「新春送大禮」優惠，即日起喺7-11分店買新年禮盒，或買指定零食產品滿$188，即送以Sanrio人氣角色Cinnamoroll，或My Melody為主題嘅限量版「疊喜茶具」1套。

公關姊妹話，2款「疊喜茶具」陶瓷茶壺連茶杯，分別以糖果粉色系嘅淡紫色同粉紅色為主調，配上少女最愛嘅花朵圖案，設計活潑繽紛又不失優雅；茶杯茶壺疊起後方便收納，美觀又實用，最適合過年時泡壺好茶招呼親友共度新年。

另外，7-11為大家準備咗大量精選新年禮盒同零食產品，例如24粒裝金莎金鑽禮盒、丹麥藍罐曲奇908克裝、紳士牌至尊果仁禮盒920克裝等，記得早啲去掃貨換埋呢套靚茶具呀，數量有限，送完即止。