大家樂「雙12早鳥日瘋搶優惠」 二人餐券買2送1

辛苦搵嚟自在食，即使平平哋食一餐都開心呀。公關姊妹同黛安分享，大家樂今日（9日）推出「雙12早鳥日瘋搶優惠」，只要朝早11點起登入網店「eatCDC.com」，即可搶購9款限量2人餐券，仲有買2送1，非常抵呀。尤其係「打堅爐火鍋」二人餐，只需$270就可以買到3套餐券，除開每套只係$90，即享67折；原價$125嘅鐵板二人餐，除開都係$84，係必搶之選。

公關姊妹話，今次每張定單限買3張餐券，最平嗰份餐券會自動變免費，以買「打堅爐火鍋」、「鐵板餐」及「焗素豬扒飯」嘅2人餐券為例，最平嘅「焗素豬扒飯」會自動免費，即係$260就可以食足3種滋味，慳番$95咁多。因為優惠只推出1日，而且係售完即止，想食餐好就記住準備撳F5刷新網頁搶優惠券喇。

如果係Club 100會員，登入網店成功搶購後，餐券會喺「Club 100易.0」手機App內顯示，方便用戶使用。