「響」櫻花2022限量版威士忌 在港限售20瓶國際外銷版

日本威士忌係近年酒界嘅新寵，黛安聽聞，日本威士忌藝術典範代表「響」（HIBIKI®），喺今秋用櫻花木桶釀造咗限量版「HIBIKI®BLOSSOM HARMONY™2022」，酒精濃度為43%，混合調和咗來自三得利山崎、白州、知多蒸餾所嘅多樣麥芽同穀物威士忌，成品帶琥珀色，入口清爽柔順，除咗有淡淡嘅櫻花香同橄欖香，仲可感受到蜂蜜同蜜餞甜味，以及茉莉同朱古力味，尾韻辛辣微苦而回甘，一試難忘。

公關姊妹話，捷成酒業（JWS.com）將喺香港限量發售20瓶國際外銷版，仲附送全球獨家嘅香港別注版威士忌酒杯禮盒。除咗即日起至12月9日，以電郵邀請特選會員優先認購外，12月5日起設公眾認購，只要回答指定問題，網店將向最具創意及懂享受嘅15人給予認購額；結果分別會喺12月16日及23日或之前以電郵方式公布；每瓶售$3,280，愛酒之人留意喇！