《季前賽》今日播 麥當勞分階段推「季前賽籃神卡」

由姜濤主演嘅ViuTV原創劇、麥當勞新世代Big Mac呈獻《季前賽》，今日會正式播出，麥當勞同日起會推出一系列期間限定美食，包括「籃」神姜濤最愛嘅新世代Big Mac（巨無霸），籃球挑戰者陳卓賢（Ian）亦會帶嚟期間限定嘅漢堡Chicken Big Mac（脆雞巨無霸）。

麥當勞更會連續3周分階段限量推出唔同「季前賽籃神卡」，畀粉絲感受「籃」神魅力。

麥當勞App會員今日起，可憑唔同電子優惠券，包括「$33歎巨無霸或脆雞巨無霸套餐」或「$42歎巨無霸系列四道菜」，獲隨機派送「季前賽籃神卡」，收集劇中每個角色嘅精采時刻，全套共有9款，包括劇中主角姜濤、Ian、Edan、Stanley、肥仔及193嘅個人卡。今日起率出場嘅3款，由街頭籃球隊隊員姜濤、Stanley和肥仔打頭陣，粉絲唔好錯過喇。