美心MX推膠樽再生制服 減塑環保迎50周年

一直關注環保議題嘅美心MX，由食品包裝、制服至店舖營運，正分階段推動減塑，包括嘗試減少包裝、考慮用可循環再用餐具及再生產品等，以減少對環境造成嘅影響。黛安聽公關姊妹講，今年適逢品牌迎來50周年嘅大日子，佢哋仲特別推出全新制服T恤㖭。

為支持「循環經濟」，今次美心MX採用咗REPREVE最新可持續環保紗綫，每件制服由50%聚脂纖維及50%再生纖維組成。再生纖維以100%回收膠瓶製成，每件制服等同用咗7個回收膠樽，有助減少廢棄塑膠對環境造成嘅影響，同時可節省大量能源。黛安聽聞，連供應廠房都係通過U TRUST®認證，達到可追溯、可認證、透明嘅標準，品質備受保證。

美心快餐及機構餐務市務主管梁美寶分享，佢話團隊一向重視可持續發展，今次推出嘅新制服，不單喺設計上凸顯美心MX品牌嘅專業形象及環保理念，亦兼顧到員工嘅舒適度。「耐穿嘅制服透氣度高，可以令員工喺工作時倍覺精神爽利，有助提升工作效率。」