長春社招募淨山戰士 守護郊野公園

近年行山活動大熱，但係山野就遺留唔少垃圾，黛安知道，長春社自2015年起，每年都會舉辦籌款活動「生態捍衞戰」，並獲恒生銀行全力支持。上屆活動都召集咗近500人參與，喺去年9至12月累計收集近60公斤及逾220公斤垃圾及回收物，同埋清理咗總長度近70公里山徑。今年活動將以「淨山Healing Hills」為主題，並加入「環保露營Green Camping」元素，招募公眾人士及機構化身生態捍衞戰士，喺各區親子遊、打卡及露營熱點，包括獅子山、山頂等山徑及郊遊徑，清理及回收山野垃圾，為守護郊野公園出一分力。

長春社計劃10月9日星期日上午，到赤徑展開一次淨山糾察偵緝行動，清理山野垃圾及拯救回收資源，大家可透過捐款，亦可以身體力行支持行動，9月30日截止報名，詳情可【按此】瀏覽，希望大家多多支持啊。