麥當勞推「新世代Big Mac」 今起套餐價$33食到

「雙層牛肉巨無霸，醬汁洋葱夾青瓜……」係港人琅琅上口嘅經典麥當勞記憶，亦係一眾食肉獸難忘嘅juicy肉汁享受，更為巨無霸創下每年銷量500萬個嘅驚人數字。適逢麥當勞登陸香港47年，黛安收到風，巨無霸都會全新升級，成為繼韓國後，亞洲第2個引入「Best Burger」配方嘅地區。

新世代Big Mac除咗轉用全新配方麵包，做到入口煙韌鬆軟，仲將洋蔥粒加入2塊100%純牛肉漢堡肉，食落啖啖多汁夠惹味。巨無霸醬仲增量50%，確保揉合酸味同芥末味嘅秘製醬汁可融入每一口牛肉。公關姊妹話，今次仲用上新烹調工具，保證用最佳溫度燒出牛肉焦香口感，配合芝士及爽脆切絲生菜，諗起都想食呀。

咁好味嘅新世代Big Mac，今日（29日）起用套餐價$33就食到；漢堡包、魚柳飽、芝士漢堡包及雙層芝士漢堡都會同步升級為「Best Burger」。加埋全新$15嘅蛋糕麥旋風、$9嘅蘋果吉士批等，必定食指大動。