LinaBell登陸香港迪士尼 逾25款商品 官網陸續推

黛安聽公關姊妹講，香港迪士尼又有新角色加盟，就係充滿好奇心、機智又可愛嘅小狐狸LinaBell，佢會喺9月9日隆重登場！下周一（22日）起就會喺樂園官網發售首批限量1萬隻LinaBell毛公仔。

官網亦會陸續推出逾25款LinaBell主題商品，包括毛公仔頭箍、毛公仔鑰匙扣、手提袋、背包及配飾等，「奇妙處處通」會員可根據會員類別，優先喺下星期四（25日）起率先掃貨，公眾就可以喺下月1日起喺網上購買。如成功入手限量LinaBell毛公仔，可於9月9日當日率先領取，其他戰利品可於9月10日起到樂園領取。

此外，樂園度假區酒店會推出全新獨家「LinaBell萌粉世界」主題酒店房間布置，和「Duffy Fans-tasy輕『營』遊」，粉絲見到必定好開心。下周一起就接受預訂喇，主題房最快9月9日起可入住，輕營遊就可以喺9月9日起至明年1月3日入住。姊妹話，LinaBell仲會喺9月9日現身「米奇與好友歡聚慶典」時刻，大家到時記得同佢打卡啊。