太興推3款特色奶茶雙重優惠 賀33周年

邁向33周年嘅太興，黛安聽聞集團將推出期間限定雙重奶茶優惠，答謝顧客多年嘅支持。即日起推出限時升級優惠，凡惠顧午市及下午茶套餐，加$3即可升級飲品，歎新推出嘅香芋奶茶、豆花奶茶或桃膠奶茶。此外，太興亦會推出「三點三‧買杯茶送個包」優惠，下周一（18日）起，顧客喺下午茶時段堂食惠顧上述3款奶茶，即可免費獲贈西多士或粗粒花生醬、奶醬、油占或果占口味厚多士乙份，奶茶迷切勿錯過啊！

公關姊妹話，今次太興推出嘅3款限定特色奶茶，皆以經典冰鎮奶茶作茶底，香芋奶茶味道香醇絲滑、濃而不澀；豆花奶茶則有棉花糖配以粒粒胚芽，再加埋軟滑豆花，帶出多重口感；桃膠奶茶則選用優質桃膠製作，桃膠融入香滑奶茶中軟潤煙韌，絕對係誠意之作。