尖沙咀中心帝國中心「尋味賞」 消費$300送$50現金券

香港科學館正舉行大型恐龍展覽「香港賽馬會呈獻系列︰八大‧尋龍記」，展出多組完整恐龍化石標本，適合一家大細去參觀。黛安收到風，鄰近科學館嘅尖沙咀中心同帝國中心，即日起至11月16日亦會推出「尖東尋龍‧尋味賞」，畀所有準備或參觀完恐龍展嘅市民大飽口福之餘，仲可換領獎賞。市民喺推廣期內憑即日恐龍展覽預約確認電郵，並喺場內餐飲商戶即日以電子貨幣單一消費滿$300或以上，再成功登記S+REWARDS點數，即可換領$50指定商戶現金券及賺取額外3獎賞點數。

另外，即日起尖沙咀中心及帝國中心、中港城嘅巨型LED多媒體幕牆，由晚上6至11點（不定時播放）會呈獻著名本地藝術家馬興文製作嘅數碼視覺藝術作品《心連心香港藝術展》，作品融合傳統藝術與現代科技，以「愛」為題，希望感染市民，凝聚社區。信和集團仲請咗本地年輕動態影像設計家製作創意短片，短片會喺尖沙咀中心、帝國中心、中港城及銅鑼灣信和廣場播放，大家有機會都要去欣賞下。